Málþing um mansal eftir leiksýningu

Leikfélag Akureyrar stendur fyrir málþingi um mansal í Ketilhúsinu á Akureyri í dag. Málþingið fer fram að lokinni sýningu á leikritinu Lilju. Leikritið byggir á sannsögulegu kvikmyndinni Lilja 4-ever og segir frá örlögum sextán ára stúlku frá Litháen sem seld var mansali í kynlífsiðnað til Svíþjóðar.

Á málþinginu sem hlotið hefur yfirskriftina, mansal á Íslandi - viðbrögð, taka meðal annars til máls Ragna Árnadóttir dómsmálaráðherra og Guðrún Jónsdóttir, forstöðukona Stígamóta, sem einnig á sæti í nýstofnuðum viðbragðshópi gegn mansali á vegum lögreglunnar á höfuðborgarsvæðinu. Dagskráin hefst kl. 15.- sbt