Kreppan kallar á nýja nálgun

Aðstandendur skógræktarverkefnisins Kolviður munu breyta markaðsherferð í ljósi breyttra aðstæðna að sögn Björgólfs Thorsteinssonar, stjórnarmanns í Kolviði og formanns Landverndar. Herferð verður ýtt úr vör í febrúar og mun beinast að miklu leyti að erlendum ferðamönnum en einnig verður leitast við að fá fyrirtæki til að kolefnisjafna bílaflota sinn.

Á fyrri hluta þessa árs skuldbatt sjóðurinn sig til að gróðursetja rúmlega 96 þúsund plöntur en það gerir hann gegn greiðslu. Það eru um 20 þúsund fleiri plöntur en árið áður sem var fyrsta ár Kolviðar. Á síðari hluta þessa árs dró hins vegar úr umsvifunum. „Fyrst eftir að eldsneytisverðið hækkaðu upp úr öllu valdi var nú lítið aflögu fyrir bíleigendur og svo eftir bankahrunið er búið að vera afar rólegt,“ segir Björgvin. „En við erum ekki af baki dottin,“ segir hann og bætir við að breyttar aðstæður kalli á nýja nálgun. - jse