Sinclair kominn til Wigan á lánssamningi

Framherjinn ungi Scott Sinclair hefur fengið grænt ljós á að ganga í raðir Wigan frá Chelsea á lánssamningi út komandi leiktíð en leikmaðurinn var á láni hjá Birmingham á seinni helmingi síðasta tímabils.

Knattspyrnustjórinn Roberto Martinez hjá Wigan er hæst ánægður með komu enska unglingalandsliðsmannsins.

„Scott er mikið efni og aukar breiddina í okkar liði til muna þar sem hann getur spilað frammi og einnig á báðum vængjum. Ég er því gríðarlega ánægður með að fá hann til Wigan," segir Martinez á opinberri heimasíðu Wigan.

Chelsea lánaði á dögunum annan efnilegan leikmann þegar hinn tvítugi Argentínmaður Franco Di Santo fór til Blackburn en sá lánssamningur nær aðeins fram til janúar.