Cisse samdi við Panathinaikos

Franski sóknarmaðurinn Djibril Cisse hefur gengið frá fjögurra ára samningi við Panathinaikos í Grikklandi sem keypti hann frá Marseille á sjö milljónir punda.

Cisse var í láni hjá Sunderland í ensku úrvalsdeildinni á síðustu leiktíð og skoraði þá ellefu mörk í 38 leikjum.

Um þrjú þúsund stuðningsmenn gríska liðsins tóku á móti honum í Aþenu í gær. Mótttökurnar komu Cisse á óvart. „Ég hef ekki orðið vitni að öðru eins í mínu lífi," sagði hann. „Ekki átti ég von á þessu."