Ferguson orðaður við Birmingham

Barry Ferguson, leikmaður hjá skoska liðinu Glasgow Rangers, hefur verið orðað við Birmingham í ensku úrvalsdeildinni.

Alex McLeish er stjóri Birmingham en hann var áður stjóri Rangers sem og skoska landsliðsins. Ferguson var lengi fyrirliði bæði Rangers og landsliðsins en agabrot hans batt enda á feril hans með landsliðinu. Hann var í kjölfarið settur í kuldann hjá Rangers og fyrirliðabandið tekið af honum þar.

Hann sneri þó aftur í lið Rangers í síðustu þremur leikjum tímabilsins er Rangers náði að tryggja sér bæði skoska meistaratitilinn sem og bikarmeistaratitilinn.

Til stóð að Ferguson myndi ganga til liðs við West Brom en ekkert varð úr því eftir að ljóst varð að Tony Mowbray, stjóri liðsins, myndi hætta hjá liðinu og taka við Celtic.

Viðræður á milli Birmingham og Rangers eru á frumstigi en sjálfur hefur Ferguson lítið viljað tjá sig um framtíð sína. Hann á eitt ár eftir af samningi sínum við Rangers.

Ferguson lék með Blackburn í ensku úrvalsdeildinni frá 2003 til 2005.