Slökkviliðsmenn fundu eldinn

Slökkviliðið nýtur nú aðstoðar þyrlu Landhelgisgæslunnar við að slökkva gróðureld við Helgarfell nálægt Hafnarfirði.

Slökkviliðsmenn urðu varir við töluverðan reyk upp úr klukkan þrjú í dag og var lið strax sent á staðinn til þess að kanna hvaðan eldurinn kæmi og freista þess að slökkva hann. Samkvæmt upplýsingum slökkviliðsins er um töluverðan eld að ræða og er hann erfiður viðureignar.

Vonast slökkviliðsmenn til þess að þyrla Gæslunnar geti auðveldað slökkviliðsmönnum að fást við eldinn, en í þyrlunni er sérstakur vatnspoki hangir úr þyrlunni og er vatni sleppt úr honum á eldinn.