Spron-settin rjúka út

Sófasett sem slitastjórn SPRON býður til sölu á heimasíðu bankans ruku út en um er að ræða þrjú sófasett frá InnX. Það dýrasta kostar 200 þúsund krónur.

Slitastjórnin býður fjölmörg skrifstofuhúsgögn til sölu á heimasíðunni spron.is en þar má meðal annars finna glæsilegan viðskiptavinastól frá Epal sem kostar 40 þúsund krónur upp í fundarborð á hjólum frá Pennanum sem kostar 150 þúsund krónur.

Slitastjórnin er þegar búin að selja sex húsgögn, þar af alla leðursófana.

Sala á skrifstofuhúsgögnunum er liður í hlutverki slitastjórnar sem er meðal annars að gæta hagsmuna kröfuhafa SPRON með því að hámarka verðmæti eigna fyrirtækisins.

SPRON fór í þrot eftir bankahrun og var tekinn yfir af skilanefnd.