Ferguson nefnir Mourinho sem mögulegan arftaka

Alex Ferguson, stjóri Manchester United, segir að sér líkar vel við Jose Mourinho en er feginn því að þurfa ekki að ákveða hver eigi að taka við af sér þegar hann hættir.

„Vonandi verð ég áfram hjá félaginu í tvö til þrjú ár til viðbótar. Hver veit hvað mun gerast á þeim tíma. Knattspyrnan vill breytast fljótt og staða knattspyrnustjórans er viðkvæm. Það er hægt að vera sá besti í heimi einn daginn og svo tapar liðið tveimur leikjum í röð og þá er það versta lið í heimi," sagði Ferguson í samtali við fréttastofu CNN.

„En ég er feginn að ég þarf ekki að taka þá ákvörðun um hver eigi að taka við af mér. En viðkomandi þarf að hafa reynslu. Manchester United er mikið og stórt félag og líkist því félagi sem ég byrjaði að vinna hjá árið 1986 ekki neitt."

Hann vildi ekki segja hver ætti að taka við af sér en nefndi þó nafn Jose Mourinho.

„Mér líkar við Jose Mourinho. Hann er góður maður og mér semur mjög vel við hann."

Ferguson sagði enn fremur að hann vill vinna fleiri Evróputitla með liðinu. Hann hefur unnið tvo slíka á löngum ferli sínum með United - tvisvar hefur liðið borið sigur úr býtum í Meistaradeild Evrópu og einu sinni í Evrópukeppni bikarhafa.

„Mér finnst að félagið ætti að vinna minnst tvo Evróputitla til viðbótar. En það er erfitt. Við höfum svo oft náð í fjórðungs- eða undanúrslitin."

„En ef við myndum vinna tvo Evróputitla til viðbótar myndi ég pottþétt hætta."