United með fimm af sex tilnefndum leikmönnum

Fimm af þeim sex leikmönnum sem eru tilnefndir sem leikmaður ársins í ensku úrvalsdeildinni leika með Manchester United. Sá sjötti er Steven Gerrard hjá Liverpool.

Þeir Rio Ferdinand, Ryan Giggs, Cristiano Ronaldo, Edwin van der Sar og Nemanja Vidic leika allir með Manchester United og eru allir tilnefndir sem leikmaður ársins af samtökum knattspyrnumanna í Englandi.

Ronaldo hefur hlotið þessa viðurkenningu undanfarin tvö ár en þeir Vidic og Giggs þykja vera líklegastir til að hreppa hnossið í ár.

Þeir sem eru tilnefndir sem besti ungi leikmaður ársins eru:

Jonny Evans, Manchester United

Rafael, Manchester United

Gabriel Agbonlahor, Aston Villa

Ashley Young, Aston Villa

Stephen Ireland, Manchester City

Aaron Lennon, Tottenham