Umfjöllun: KR neitar að gefast upp

KR ætlar að láta FH hafa fyrir því að verða Íslandsmeistari. KR hélt smá lífi í titilvonum sínum í kvöld með því að leggja Fram í Vesturbænum, 3-1.

Framarar voru mun betri aðilinn í fyrri hálfleik. Framarar voru vel skipulagðir sem og baráttuglaðir. Einnig klókir því þeir slógu öll vopn úr höndum Vesturbæinga.

Gáfu miðjumönnum KR engan tíma með boltann, sáu til þess að Guðmundur Benediktsson fengi helst ekki boltann og lokuðu vel á kantspil KR. Fyrir vikið náði KR engum takti í sinn leik.

Sóknarleikur Fram á sama tíma var beinskeyttur. Þeir ógnuðu sérstaklega úr frábærum hornspyrnum Sam Tillen en Tillen átti flottan leik í fyrri hálfleik.

Almarr Ormarsson skoraði eina mark fyrri hálfleiks með laglegum skalla eftir sendingu Joe Tillen.

Framarar byrjuðu síðari hálfleikinn einnig vel en virtust slegnir þegar Björgólfur jafnaði með laglegu marki úr þröngri stöðu.

Rutgers bætti svo öðru við skömmu síðar. Við það lamaðist leikur Fram, KR tók öll völd og stýrði umferðinni það sem eftir er.

Skúli Jón skoraði svo gull af marki sem innsiglaði sigur Vesturbæinga. Góður 3-1 sigur hjá þeim og spurning hvað gerist í leik Þróttar og FH á morgun.

KR-Fram  3-1

0-1 Almarr Ormarsson (37.)

1-1 Björgólfur Takefusa (55.)

2-1 Mark Rutgers (62.)

3-1 Skúli Jón Friðgeirsson (77.)

Áhorfendur: 1.986

Dómari: Jóhannes Valgeirsson 6.

Skot (á mark): 15-10 (7-4)

Varin skot: Andre 3 – Hannes 4

Horn: 7-10

Aukaspyrnur fengnar: 9-18

Rangstöður: 2-5

KR (4-4-2)

Andre Hansen  7

Skúli Jón Friðgeirsson  7

Mark Rutgers   7

Grétar Sigfinnur Sigurðsson  7

Jordao Diogo  5

Gunnar Örn Jónsson  6

Bjarni Guðjónsson  6

Atli Jóhannsson  7 – Maður leiksins

Óskar Örn Hauksson  5

Guðmundur Benediktsson  4

(76., Gunnar Kristjánsson  -)

Björgólfur Takefusa  6

(83, Prince Rajcomar  -)

Fram (4-3-3)

Hannes Þór Halldórsson  5

Daði Guðmundsson  5

Kristján Hauksson  6

Jón Guðni Fjóluson  7

Sam Tillen  7

Halldór Hermann Jónsson  6

Heiðar Geir Júlíusson  7

Paul McShane  6

(83., Hlynur Atli Magnússon  -)

Almarr Ormarsson  6

Joseph Tillen  5

(83., Hörður Björgvin Magnússon  -)

Hjálmar Þórarinsson  3

(83.,  Guðmundur Magnússon  -)

Smelltu hér til að opna Boltavaktina og lesa lýsingu leiksins: KR - Fram.