Gerrard ekki alvarlega meiddur

Rafa Benitez, stjóri Liverpool, á ekki von á því að Steven Gerrard verði lengi fjarverandi vegna þeirra meiðsla sem gerðu það að verkum að hann gat ekki spilað m eð sínum mönnum gegn Chelsea í Meistaradeild Evrópu í gær.

Gerrrard sat upp í stúku er Liverpool og Chelsea gerðu 4-4 jafntefli sem dugði síðarnefnda liðinu til að komast áfram í undanúrslit keppninnar.

„Hann fann fyrir einhverjum eymslum og gat því ekki spilað," sagði Benitez eftir leikinn. „Við héldum að hann myndi geta spilað en svo var ekki. En þetta er ekki alvarlegt og vonandi verður hann í lagi."

Liverpool á enn möguleika á enska meistaratitlinum en þarf þó að stóla á að Manchester United misstígi sig. Benitez hefur sett stefnuna á að vinna alla þá leiki sem liðið á eftir á tímabilinu.

Liðið er þar að auki úr leik í bæði ensku bikarkeppninni sem og Meistaradeildinni og getur því einbeitt sér fyllilega að deildinni.

Liverpool mætir næst Arsenal á útivelli á þriðjudaginn næstkomandi.