Kominn af slysadeild eftir eldsvoða

„Það er allt í sóti og skít," segir Hörður Sigurðsson, íbúi í Miðtúni í Reykjavík, sem var fluttur á slysadeild í gærkvöld eftir að það kviknaði í kjallaraíbúð í húsinu sem hann býr í. Hörður segist leigja herbergi í íbúðinni, en þar leigi einnig tveir aðrir.

Íbúðin er hins vegar óíbúðarhæf um sinn vegna reykskemmda. „Ég er bara hérna hjá ættingjum," segir Hörður. Hann segir heilsuna vera góða þrátt fyrir allt. „Þetta slapp allt til," segir Hörður.

Hörður segir að rannsókn á upptökum eldsins sé ekki hafin.