Hull loksins að krækja í framherja

Það hefur vægast sagt illa hefur gengið á leikmannamarkaðnum í sumar hjá knattspyrnustjóranum Phil Brown og félögum í Hull en nú í dag er útlit fyrir að tveir leikmenn séu komnir til félagsins.

Hull gekk í dag frá kaupum á Seyi Olofinjana frá Stoke á 3 milljónir punda og skrifaði hann undir fjögurra ára samning.

Þá mun bandaríski framherjinn Jozy Altidore vera á leiðinni til félagsins á láni út komandi leiktíð frá Villarreal en Alitdore sló í gegn með landsliði Bandaríkjanna á Álfukeppninni fyrr í sumar þegar hann skoraði meðal annars mark gegn Spánverjum í undanúrslitaleik.

Brown er búinn að vera að leita að framherja í allt sumar og hefur þegar reynt að fá Micheal Owen, Bobby Zamora, Fraizer Campbell og Dean Ashton en án árangurs og koma Altidore er því kærkomin fyrir Hull en leikmaðurinn á aðeins eftir að gangast undir læknisskoðun hjá félaginu.