Iniesta undir smásjá City

Spænski landsliðsmaðurinn Andres Iniesta er undir smásjá Manchester City, sem ætlar að gera Barcelona 6,5 milljarða króna tilboð í hann í sumar.

Þetta kemur fram í helgarblaðinu News of the World á Englandi í dag. Iniesta er 24 ára gamall og skrifaði nýverið undir nýjan samning við Barcelona til ársins 2014.

Ef Iniesta fer til Chelsea fyrir þessa upphæð, myndi hann slá Robinho við sem dýrasti leikmaður í sögu félagsins.

Hætt er við því að forráðamenn Barcelona gretti sig ef þeir fá tilboð í þennan frábæra miðjumann, en þó má vera að einhver félög eigi eftir að hlusta á tilboð moldríkra City-manna á þessum síðustu og verstu tímum.