Orðastríð Ferguson og Benitez heldur áfram

Sir Alex Ferguson knattspyrnustjóri Man Utd segist ekki skilja hvað Rafa Benitez stjóra Liverpool gangi til með ummælum í sinn garð fyrir meistaradeildarleikina í vikunni.

Eins og fram hefur komið sagði Benitez að Ferguson væri hugsanlega hræddur við Liverpool sem er aðeins einu stigi á eftir í öðru sæti úrvalsdeildarinnar.

"Benitez á Evrópuleik gegn Chelsea og hann talar um Alex Ferguson! Frábært! Ég vissi ekki að ég væri svona mikilvægur," sagði Ferguson þegar hann talaði við fjölmiðla fyrir leiki helgarinnar.

Orðastríð þeirra í fjölmiðlum hefur verið litríkt í vetur og virðist engan enda ætla að taka.