Toure búinn að semja við City

Samkvæmt heimildum Sky Sports fréttastofunnar er varnarmaðurinn Kolo Toure búinn að semja við Manchester City og á aðeins eftir að gangast undir læknisskoðun hjá félaginu.

Kaupverðið sem City borgar Arsenal er talið nema um 15 milljónum punda og mun leikmaðurinn hafa samþykkt fjögurra ára samning.

Hinn 28 ára gamli landsliðsmaður Fílabeinsstrandarinnar kom til Arsenal árið 2002 fyrir 150 þúsund pund og salan undirstrikar því enn og aftur snjalla viðskiptahætti knattspyrnustjórans Arsene Wenger.