Spænskir fjölmiðlar greina frá því í dag að Kamel Ghilas, framherji frá Alsír, hafi gengið í raðir enska úrvalsdeildarfélagsins Hull.
Ghilas er á mála hjá Celta Vigo sem fær tvær milljónir evra fyrir kappann. Hann mun þegar hafa gengist undir læknisskoðun hjá Hull.
Celta Vigo á í fjárhagsvandræðum í kjölfar þess að félagið féll úr spænsku úrvalsdeildinni í vor. Þeir gátu því lítið annað gert en að taka tilboði Hull.
