Forsetadóttir ráðin til ASÍ

Dalla Ólafsdóttir, dóttir Ólafs Ragnars Grímssonar forseta Íslands, hefur verið ráðin til lögfræðideildar Alþýðusambands Íslands. Hún hefur störf um miðjan september. Frá þessu er greint á vef ASÍ í dag.

Dalla lauk BA prófi í stjórnmálafræði 2002, BA prófi í lögfræði 2006 og Mag.jur prófi í júní 2008. Hún hefur meðal annars starfað sem lögfræðingur hjá Samkeppniseftirlitinu, Mörkinni lögmannsstofu og Útlendingastofnun.

Ólafur Ragnar á einnig dótturina Guðrúnu Tinnu en hún er tvíburasystir Döllu.