Mæta sigurreifir á Þjóðhátíð í aðeins annað skiptið á níu árum

Leikmenn karlaliðs ÍBV munu örugglega mæta í stuði á Þjóðhátið í Eyjum þetta árið eftir tvo sigra liðsins í síðustu tveimur leikjum. ÍBV vann 1-0 sigur á Stjörnunni í gær og hafði unnið dramatískan 4-3 sigur á Blikum fjórum dögum fyrr. Það er langt frá því að gerast á hverju sumri að knattspyrnumenn í Eyjum vinni síðasta leik fyrir Verslunarmannahelgi.

Það var Andri Ólafsson, fyrirliði ÍBV-liðsins, sem tryggði liðinu þrjú stig út úr leiknum á móti Stjörnunni en fyrir einu ári mættu Garðabæingar til Eyja rétt fyrir þjóðhátíð og fóru burtu með öll stigin eftir 1-0 sigur. Björn Pálsson skoraði þá sigurmark Stjörnumanna rétt fyrir leikslok.

Það eru liðin fimm ár síðan að leikmenn ÍBV unnu síðasta leik sinn fyrir Þjóðhátið en það var þegar liðið vann 4-0 sigur á KA í 12. umferð. Gunnar Heiðar Þorvaldsson skoraði þrjú fyrstu mörk Eyjamanna í leiknum og Bjarni Geir Viðarsson skoraði síðan fjórða markið undir lokin.

Andri Ólafsson og Matt Garner eru einu leikmenn Eyjaliðsins sem hafa verið í báðum þessum leikjum, leiknum í gær og leiknum fyrir fimm árum, en þetta eru í einu skiptið frá og með árinu 2001 þar sem leikmenn karlaliðs ÍBv hafa mætt sigurreifir á þjóðhátíð.

Síðustu leikir ÍBV-liðsins fyrir Þjóðhátið undanfarin ár:

2009

Stjarnan (heima) 1-0 sigur

- annar sigur liðsins í röð

2008 1. deild

Stjarnan (úti) 0-1 tap

2007 1. deild

Fjarðabyggð (heima) 0-0 jafntefli

2006

Valur (úti) 0-5 tap

2005

FH (heima) 0-1 tap

2004

KA (heima) 4-0 sigur

- þriðji sigur liðsins í röð

2003

Fylkir (úti) 0-3 tap

2002

Fram (heima) 0-1 tap

2001

Fram (heima) 1-3 tap