Hörður Sveinsson: Þurfum að vera á tánum allan leikinn

Hörður Sveinsson, einn besti maður Keflvíkinga í 3-1 sigri þeirra á Fjölni í kvöld, var ánægður með leik sinna manna.

"Þetta var flottur leikur hjá okkur í dag. Við vorum að spila mjög vel að mínu mati en svo duttum við aðeins niður. Það er eitthvað sem við þurfum að passa upp á að komi ekki fyrir aftur. Við þurfum að vera á tánum allan leikinn"

Hörður segir að Fjölnismenn séu með gott lið

"Við leyfðum þeim samt ekki að vera með í leiknum. Það spilar enginn betur en andstæðingurinn leyfir og við gerðum vel í að halda þeim niðri í dag."