Innlent

Miðaldra kona stungin í miðbænum í morgun

Hafsteinn Gunnar Hauksson skrifar

Lögregla rannsakar nú líkamsárás við hornið Barónstíg og Njálsgötu, en tilkynning um árásina barst rúmlega tíu í morgun. Að sögn lögreglu er fórnarlambið eitthvað slasað, en hugsanlega er um hnífstungu að ræða.

Konan var flutt á slysadeild, en var með meðvitund. Kona sem grunuð er um árásina er í haldi lögreglu. Þær eru svipað gamlar, en árásarmaðurinn er á fimmtudagsaldri. Konurnar hafa báðar komið talsvert við sögu lögreglu áður.

Jörðin þar sem árásin átti sér stað er blóði drifin.
Rannsóknardeild lögreglu er á vettvangi og hefur girt hluta svæðisins af með borða.

Ekki er vitað um tildrög árásarinnar að svo stöddu, en talið er að konurnar hafi verið ölvaðar þegar árásin átti sér stað. Ekki er víst hvort átökin hófust innan dyra eða utan, en ljóst þykir að þau bárust með einhverjum hætti út á götu.





Mest lesið


Fleiri fréttir

Sjá meira


×

Mest lesið