Markaskorarinn Jón Guðni: Ég veit ekki hvað er í gangi

Hinn ungi og stórefnilegi Framara, Jón Guðni Fjóluson, reyndist hetja Framara í dag er hann skoraði sigurmarkið gegn Stjörnunni.

Jón Guðni ætlar að reynast Fram-liðinu vel en hann hefur algjörlega slegið í gegn með liðinu í sumar.

„Ég veit ekki hvað er í gangi. Þetta er eitthvað nýtt," sagði Jón Guðni léttur en mörkin láta ekki á sér standa hjá honum þó svo hann hafi spilað sem miðvörður í dag.

„Þetta var fínn sigur hjá okkur. Það hefði verið bull ef við hefðum ekki fengið í það minnsta stig úr þessum leik. Við létum mörkin þeirra ekki slá okkur út af laginu heldur héldum rónni og unnum okkur úr erfiðri stöðu," sagði Jón Guðni.