Barcelona sagt ætla bjóða í Mascherano og Young

Enskir fjölmiðlar halda því fram í dag að Barcelona ætli að bjóða háar upphæðir í þá Ashley Young og Javier Mascherano.

Daily Star greinir frá því í dag að Börsungar séu hættir við að reyna að fá Franck Ribery frá Bayern München og ætli sér að bjóða 25 milljónir punda í Ashley Young, leikmann Aston Villa.

Daily Mail segir hins vegar að liðið ætli sér að fá Javier Mascherano frá Liverpool og sé reiðubúið að bjóða 35 milljónir í hann - eða 20 milljónir og Bojan Krkic í kaupbæti.