Newcastle þarf að borga Kevin Keegan tvær milljónir punda

Newcastle United þarf að borga Kevin Keegan tvær milljónir punda í skaðabætur eða um 400 milljónir íslenskra króna eftir að Keegan vann mál gegn félaginu fyrir samningsbrot. Keegan hætti hjá Newcastle í september og vildi fá 25 milljónir punda í skaðabætur.

Newcastle er dæmt fyrir að hafa brotið samning sinn við Kevin Keegan með því að kaupa úrúgvæska leikmanninn Ignacio Gonzalez gegn vilja hans. Keegan hafði tekið við liði Newcastle í janúar sama ár en hann ákvað að segja upp átta mánuðum síðar í kjölfar þess að Gonzalez var keyptur.

Kevin Keegan vildi fá miklu hærri upphæð í skaðabætur þar sem að hann taldi að hann hefði orðið af ýmsum fríðindum auk þess að mannorð hans hefði beðið hnekki við þetta mál.