Einum í hópnauðgunarmálinu sleppt

Einn af þeim sex ungu mönnum sem setið hafa í gæsluvarðhaldi undanfarna daga vegna aðildar að hrottafengnu hópnauðgunarmáli í Bandaríkjunum var sleppt úr haldi í morgun.

Málið hefur vakið gríðarlega athygli í Bandaríkjunum en 15 ára stúlku var hópnauðgað fyrir utan skóla hennar þegar hún ætlaði að sækja þar skólaball.

Allt að tíu einstaklingar til viðbótar eru sagðir hafa staðið hjá, fylgst með og jafnvel myndað ódæðið með símum sínum. Sem fyrr segir hefur einum hina sex grunuðu verið sleppt úr haldi en hinir fimm sem eftir sitja, og eru á aldrinum 15 til 19 ára, hafa verið ákærðir fyrir þátt sinn í nauðguninni.