Darren Bent loks genginn í raðir Sunderland

Framherjinn Darren Bent fékk grænt ljós á félagsskipti sín frá Tottenham til Sunderland í dag eftir nokkuð þóf síðustu vikur.

Kaupverðið er 10 milljónir punda en inni í kaupverðinu eru ýmsar klausur sem geta hækkað verðið talsvert.

Hvernig sem fer með það er Bent dýrasti leikmaður í sögu Sunderland en markvörðurinn Craig Gordon var áður dýrasti leikmaður Sunderland þegar hann var keyptur frá Hearts á 9 milljónir punda.

Tottenham borgaði 16,5 milljónir punda fyrir Bent þegar hann gekk í raðir félagsins frá Charlton sumarið 2007 en framherjinn náði aldrei almennilega að festa sig í sessi á White Hart Lane.