Fulham í viðræðum við Zamora og Pantsil

Fulham hefur fengið leyfi hjá West Ham til að ræða við þá Bobby Zamora og John Pantsil með það fyrir augum að fá þá í sínar raðir. West Ham-mennirnir tveir eru sagðir helstu skotmörk Roy Hodgson, stjóra Fulham, á leikmannamarkaðnum í sumar.

Zamora hefur verið hjá West Ham síðan hann kom frá Tottenham árið 2004 og hefur skorað 30 mörk í 130 leikjum fyrir félagið.

Pantsil er varnarmaður sem kemur frá Gana og gekk í raðir Hamranna árið 2006, en hann hefur ekki náð að festa sig í sessi í liðinu.