Glæpagengi sitja um Britney Spears

Paparössunum sem elta Britney Spears fækkar ört þessa dagana. Ástæðan mun vera sú að það sé orðið stórhættulegt að elta hana.

Tugir ljósmyndara elta Britney í hvert fótmál. Vilji menn ná bestu myndunum þurfa þeir að vera duglegir að troða sér fremst í ljósmyndarahrúguna, og víla ekki fyrir sér að elta söngkonuna yfir á rauðu ljósi ef svo ber undir.

Samkvæmt heimildum New York Post hafa ljósmyndastofurnar ráðið til sín meðlimi glæpagengja til að auka möguleika sína á því að bestu skotunum. Einn ljósmyndari sem blaðið ræðir við segist hafa heyrt sögur um slagsmál, skorin bíldekk og fleiri óþverrabrögð.