Ákærð fyrir þéttingsfast handaband

Lögmaður í Flórída í Bandaríkjunum hefur verið ákærður fyrir að hafa tekið svo hressilega í höndina á kollega sínum að handleggurinn „rifnaði næstum af." Þetta segir heimildamaður bandaríska dagblaðsins USA Today.

Kathy Brewer Rentas tók í hönd Jennifer Keene aðstoðarsaksóknara eftir að Keene hafði sótt eiginmann Brewer Rentas til saka fyrir að rjúfa skilorð í kókaínmáli. Þar var hann dæmdur til 90 daga stofufangelsis. Eftir að dómurinn var kveðinn upp í málinu fór frú Brewer Rentas fram á að fá að taka í hönd lögmanns ákæruvaldsins. Samkvæmt heimildum blaðsins mun handabandið hafa verið svo átakamikið að Keene datt næstum í gólfið.

Brewer Rentas mun verða sótt til saka fyrir að ráðast á embættismann.