Stór njósnagervihnöttur að hrapa til jarðar

Stór bandarískur njósnagervihnöttur hefur farið af sporbaug sínum um jörðina og svífur nú stjórnlaus fyrir ofan gufuhvolfið. ReIknað er með að hann hrapi til jarðar í lok febrúar eða byrjun mars.

á VEF bbc er haft eftir ónafngreindum heimildum að gervihnötturinn sé vélarvana og geti innhaldið hættuleg eiturefni. Sagt er að bandarísk stjórnvöld fylgist náið með framvindu mála og talsmaður þjóðaröryggisráðsins þar í landi segir að verið sé að vinna að því að gera gervihnöttinn skaðlausan. Hann vildi þó ekki tjá sig um hvort reynt verði að eyða honum með eldflugaskoti.

Gervihnötturinn er knúinn áfram af eldsneyti sem ber heitið hydrazine og er það lífshættulegt fyrir þá sem komast í snertingu við það. Hnötturinn vegur rúm 9 tonn og var honum skotið á loft árið 2006.

Hann er af nýjustu kynslóð njósnagervihnatta og hvílir mikil leynd yfir honum og því erfitt að afla nákvæmra upplýsinga um hættuna af honum. Strax eftir að honum hafði verið komið á loft tapaðist allt samband við hnöttinn.

Hann fellur nú um kílómetra á dag og er þessa stundina í um 110 km hæð. Helst er vonast til að gervinötturinn falli í hafið þegar hann kemur inn í gufuhvolið.

Hins vegar munu einhverjar líkur á að hann falli til jarðar í Rússlandi eða Kína og yrði það viðkomandi löndum sem gjöf af himnum.