Enski boltinn

Helgin á Englandi - Myndir

Elvar Geir Magnússon skrifar

Það var heldur betur líf og fjör í leikjum helgarinnar í ensku úrvalsdeildinni. Arsenal vann Manchester United í stórleik umferðarinnar sem olli svo sannarlega ekki vonbrigðum.

Liverpool er aftur komið á sigurbraut, Nicolas Anelka heldur áfram að skora fyrir Chelsea og Tottenham hættir ekki að vinna leiki.

Ljósmyndarar Getty Images voru á öllum leikjum helgarinnar í ensku úrvalsdeildinni og með því að smella á myndaalbúmið hér að neðan má rifja upp helgina í máli og myndum.

Middlesbrough gerði góða ferð á Villa Park og sótti þrjú stig. Tuncay var hetja Boro og skoraði bæði mörk liðsins, sigurmarkið á 88. mínútu.
Nicolas Anelka er farinn að njóta þess í botn að spila með Chelsea. Hann skoraði bæði mörkin í 2-0 útisigri á Blackburn og er markahæstur í deildinni.
Paul Robinson, markvörður Blackburn, hleypti tveimur boltum framhjá sér í rigningunni.
Obafemi Martins og Shola Ameobi fagna marki þess síðarnefnda fyrir Newcastle gegn Fulham. Þeir gátu þó ekki fagnað eftir leik þar sem Fulham vann 2-1.
Söngvarinn Robbie Williams var meðal áhorfenda á stórleik helgarinnar, viðureign Arsenal og Manchester United.
Arsenal vann leikinn 2-1 með tveimur mörkum frá Nasri. Enginn fagnaði þó meira í leikslok en Mikael Silvestre, varnarmaður Arsenal og fyrrum leikmaður United.
Jussi Jaaskelainen, markvörður Bolton, tók greinilega lýsið sitt á laugardagsmorgun. Hann lék hreint frábærlega í 1-0 útisigri Bolton á Hull. Þrjú gríðarlega mikilvæg stig fyrir Bolton.
Fyrir leiki helgarinnar var mínútu þögn til minningar um þá bresku hermenn sem látist hafa í átökum.
Robbie Keane svaraði gagnrýnendum með því að skora tvívegis fyrir Liverpool í skyldusigri á West Brom.
Portsmouth skoraði sigurmarkið gegn Sunderland í viðbótartíma og var markinu vel fagnað.
Everton skoraði þrjú mörk á fimm mínútum og gengu þar með frá West Ham. Saha skoraði tvö af þessum mörkum.
Tottenham vann Manchester City þar sem Darren Bent var maður leiksins. Bent blómstrar eftir komu Harry Redknapp og eru menn farnir að heimta landsliðssæti fyrir kallinn.
Enski boltinn

Mest lesið


Fleiri fréttir

Sjá meira


×

Mest lesið