Picasso verkum stolið úr sýningarsal

Tveimur málverkum eftir Pablo Picasso var stolið af svissneskri listasýningu á verkum meistarans á miðvikudag. Verkunum var stolið eftir lokun sýningarsalarins í bænum Pfaeffikon í Zurich.

Olíumálverkin Höfuð hestsins og Glasið og kannan voru í láni frá Sprengel safninu í Þýskalandi.

Lögreglan er að kanna hvort þjófarnir hafi dvalið í byggingunni þegar henni var lokað. Þjófavarnarkerfi fór í gang þegar þjófarnir yfirgáfu bygginguna klukkan 19 að staðartíma, eða klukkan 20 að íslenskum tíma.

Stuttu síðar tóku verðir eftir því að málverkin voru horfin.

Sprengel safnið hefur heitið verðlaunum þeim sem getur gefið einhverjar upplýsingar sem leiða til fundar myndanna. Verðmæti myndanna er áætlað tæpar 160 milljónir íslenskra króna samkvæmt heimildum AP fréttastofunnar frá lögreglu á staðnum.

Öll verkin á sýningunni voru í láni, en um var að ræða 20 Picasso myndir.