Samskipti eigenda Liverpool orðin betri

George Gillett, annar eiganda Liverpool, segir að samskipti sín við hinn eiganda félagsins, Tom Hicks, séu orðin mun betri en þau voru. Þeir tveir töluðust varla við um tíma eftir ágreining sem kom upp fyrr á þessu ári.

„Það var með velferð félagsins í huga sem við ákváðum að bæta samskipti okkar á milli," sagði Gillett en mikið fjaðrafok hefur verið í kringum undibrúning á byggingu nýs heimavallar Liverpool.

Talað var um að DIC, Dubai International Capital, myndi kaupa hlut annars þeirra eða jafnvel beggja. „Það hvílir á okkur mikil ábyrgð. Við þurfum að hafa velferð félagsins í leiðarljósi," sagði Gillett.