Ronaldo gæti þurft í uppskurð

Portúgalski vængmaðurinn Cristiano Ronaldo hjá Manchester United gæti þurft í ökklauppskurð um helgina samkvæmt heimildum Sky. Útsendarar United hittu Ronaldo og lækna portúgalska landsliðsins í gær þar sem ökklameiðsli leikmannsins voru til umræðu.

Framtíð Ronaldo hefur verið stærsta málið í knattspyrnuheiminum á síðustu vikum en forráðamenn United vonast til að Ronaldo verði orðinn heill af ökklameiðslum sínum fyrir fyrsta leik liðsins í ensku úrvalsdeildinni gegn Newcastle þann 16. ágúst.