Fyrrum markvörður Sunderland fannst látinn

Tim Carter, fyrrum markvörður Sunderland, fannst látinn af vegfaranda í Stretford nærri Manchester í gær. Hann var fertugur að aldri.

Hann var úrskurðaður látinn á staðnum en lögreglan lítur ekki á málið sem svo að um grunsamlegt athæfi hafi verið um að ræða.

Carter lék fimmtíu leiki fyrir Sunderland á árunum 1987 og 1992. Hann var markvarðaþjálfari liðsins þar til Raimond van der Gouw var ráðinn í fyrra. Hann var nýverið ráðinn sem markvarðaþjálfari í knattspyrnuakademíu Sunderland.

Hann hefur einnig starfað með markvörðum eistneska landsliðsins í hlutastarfi.