Arsenal kaupir ungan miðjumann

Arsenal gekk í dag frá kaupum á 21 árs gömlum miðjumanni frá Werder Bremen í Þýskalandi. Sá heitir Amaury Bischoff og er fæddur í Frakklandi en á að baki leiki fyrir U-21 árs lið Portúgala.

Bischoff hefur aðeins spilað einn leik með aðalliði Bremen en það var í Evrópuleik gegn Celta Vigo á síðasta ári. Pilturinn hefur hinsvegar átt fast sæti í unglingaliði Bremen og virðist hafa náð athygli Arsene Wenger, en sá er þekktur fyrir að hafa næmt auga fyrir hæfileikamönnum.

Bischoff mun leika í treyju númer 28 hjá Arsenal og hefur æfingar með Arsenal þegar liðið kemur heim frá Austurríki þar sem það er við æfingar.