Joey Barton er skræfa

Ousmane Dabo, fyrrum leikmaður Man City, lét ófögur orð falla um fyrrum liðsfélaga sinn Joey Barton eftir að sá síðarnefndi fékk skilorðsbundinn dóm fyrir að ráðast á Dabo á æfingasvæði liðsins á sínum tíma.

Barton slapp við að fara í fangelsi í annað sinn á skömmum tíma í gær þegar hann viðurkenndi að hafa slegið til Dabo á sínum tíma. Barton fékk tveggja ára skilorð.

"Þetta var hræðilegur dagur og ég missti næstum auga. Það að ég skuli ekki hafa þurft að bera vitni í málinu segir sína sögu um sakleysi mitt í málinu. Ég er ánægður með niðurstöðuna. Barton hefur viðurkennt að hafa hagað sér eins og skræfa - enda er hann skræfa. Ég sá hann í gær en hann reyndi ekki að tala við mig og biðja mig afsökunar," sagði Dabo, sem nú leikur með Lazio á Ítalíu.