Varar við ósigri í Afghanistan

Jaap de Hoop Scheffer framkvæmdastjóri Atlantshafsbandalagsins segir að ef verkefni NATO í Afghanistan misheppnist geti það leitt til hryðjuverkaárása á Vesturlöndum. Hann sagði að mörg mikilvæg viðfangsefni ætti eftir að leysa í Afghanistan en verkefnið væri ekki misheppnað.

Í dag komu utanríkisráðherrar Bandaríkjamanna og Breta, Condoleezza Rice og David Milliband, til Afghanistan í óvænta heimsókn. Þau ræddu um hvernig NATO gæti tryggt öryggi í suðurhluta Afganistan. Rice sagði framtíð bandalagsins í hættu vegna þess að sum aðildarríkin veigruðu sér við að taka þátt í verkefninu í Afganistan.

De Hoop Scheffer sagði að hann myndi leggja áherslu á alvarleika málsins við varnarmálaráðherra NATO sem hittast á fundi í Litháen innan skamms. „Ef ekki verður tekist á við hryðjuverk í Afghanistan munu afleiðingarnar birtast í London, Brussel og Amsterdam," sagði hann.