Sprengjuhótun á Kastrup flugvelli

Tollverðir á Kastrup flugvelli tóku í gær ölvaðan Pólverja fyrir falska sprengjuhótun. Maðurinn var á leið í gegnum tollhliðið þegar hann fleygði töskunni sinni frá sér, tók á rás og hrópaði að það væri sprengja í töskunni. Yfirmenn dönsku lögreglunnar segja að tollverðir hafi tekið töskuna úr umferð og því hafi þeir ekki neyðst til þess að rýma flugvöllinn. Maðurinn mun mæta fyrir rétt í dag þar sem krafist verður gæsluvarðhalds yfir honum. Lögreglan lítur atvikið alvarlegum augum og gæti maðurinn átt allt að fjögurra ára fangelsi yfir höfði sér.