Meiðyrðamáli dómara á hendur lögmanni vísað frá

Ríkissaksóknari hefur vísað frá meiðyrðamáli sem dómari á Akureyri höfðaði gegn lögmanni eftir ummæli hans í fréttaviðtali við Stöð 2.

Ásgeir Pétur Ásgeirsson, dómari við Héraðsdóm Norðurlands eystra, höfðaði mál gegn Þorsteini Hjaltasyni lögmanni eftir að Þorsteinn lýsti í fréttum Stöðvar 2 óánægju með sektardóm í svokölluðu netbankamáli Glitnis.

Lögmaðurinn hafði hagnast með gjaldeyrisviðskiptum vegna kerfisvillu í bankanum og var dæmdur í skilorðsbundið fangelsi. Hann sagði í viðtalinu að ægivald Glitnis hefði getað haft áhrif á dómara og ríkislögreglustjóra og fór fram á milljónir í skaðabætur frá Þorsteini.

Í bréfi ríkissaksóknara til Þorsteins Hjaltasonar segir að það sem fram kom við rannsóknina hafi ekki verið nægilegt eða líklegt til sakfellingar og því sé málið fellt niður.

Sjálfur hefur lögmaðurinn áfrýjað sektardóminum til Hæstaréttar.