Fulham lagði Newcastle

Fulham vann 2-1 sigur á Newcastle í lokaleik dagsins í ensku úrvalsdeildinni. Danny Murphy tryggði Fulham sigurinn með marki úr vítaspyrnu.

Fulham lyfti sér úr fallsæti með sigrinum en liðið er nú með fjórtán stig og er nú í tíunda sæti deildarinnar. Newcastle er aftur á móti í fallsæti en liðið er með tólf stig í átjánda sæti.

Ekki nema þrjú stig skilja að liðin í tíunda og neðsta sæti deildarinnar en West Brom er á botninum með ellefu stig. Tottenham, Wigan, Newcastle og Sunderland eru öll með tólf stig.

Murphy skoraði í dag sitt 100. mark á ferlinum en Andy Johnson hafði komið Fulham yfir í fyrri hálfleik. Shola Ameobi jafnaði metin fyrir Newcastle.

Fyrsta mark Fulham kom eftir mistök í varnarleik Newcastle. Boltinn datt beint fyrir fætur Johnson sem skoraði með föstu skoti.

Ameobi jafnaði svo metin á 57. mínútu með skoti af stuttu færi. Vítið var svo dæmt þegar Fabricio Coloccini var dæmdur brotlegur eftir viðskipti sín við Andy Johnson.