Newcastle neitar sögum um Bin Laden

Newcastle neitar fréttaflutningi þess efnis að fyrirtæki í eigu Osama Bin Laden og fjölskyldu hafi áhuga á að kaupa félagið. Saudi Binladen Group (SBG) var sagt vera að íhuga að kaupa félagið á 300 milljónir punda.

Stjórnarformaður SBG er Bakr Bin Laden, hálfbróðir Osama, en fyrirtækið var stofnað af föður þeirra, Mohammed bin Laden.

„Hjá Newcastle eru allir að undirbúa sig fyrir komandi tímabil. Það er því orðið ansi pirrandi að þurfa að leiðrétta neikvæðan og ósannan fréttaflutning slúðurmiðla," sagði Derek Llambias, stjórnarmaður hjá Newcastle.

Talsmaður SBG neitaði einnig öllum fréttum um að fyrirtækið væri að íhuga tilboð í Newcastle.