Íslamistar fordæma evrópska "hryðjuverkamenn"

Nokkur þúsund pakistanskir íslamistar komu saman í dag og mótmæltu endurbirtingum danskra dagblaða á skopteikningum Kurts Westergard af Múhameð spámanni sem og útkomu hollensku stuttmyndarinnar Fitna.

Reuters segir að um 5000 manns úr hinum róttæka Jamaat-e-Islami stjórnmálaflokki hafa gengið um götur og hrópa slagorð á borð við "Niður með Danmörku, niður með Holland". Nokkrir brenndu danska og hollenska fána.

Leiðtogi Jamaat-e-Islami, Munawar Hassan, sagði áheyrendum að ríkistjórn Pakistan ætti að endurskoða diplómatísk samskipti sín við Evrópusambandið.

Hann fordæmdi þá sem sífellt reyni að ögra múslimum og sagði þá hryðjuverkamenn.