Ásdís með meteinkunn

Ásdís Rán hefur nú nokkra forystu yfir næstu skvísu í keppninni Is she hot?

Keppnin fer þannig fram að lesendur heimasíðu keppninnar geta greitt stúlkunum atkvæði og gefið þeim einkunn einu sinni á dag. Sú stúlka sem er í efsta sæti í lok mánaðarins vinnur sér rétt til þáttöku í áströlskum raunveruleikaþætti þar sem sigurlaunin eru milljón dollarar.

Alls hafa 46 þúsund manns skoðað síðu Ásdísar í keppninni. Hún hefur hún verið efsta sæti listans allan mánuðinn, sem hefur ekki gerst áður í keppninni. Einkunn hennar fyrir fegurð og persónuleika sveiflast frá 9,09 til 9,12, sem er met, en sú sem kemur á eftir henni er með einkunnina 8,96.

Ásdís sat í efsta sæti nær allan síðasta mánuð, en féll niður í annað og tapaði naumlega síðasta daginn. Íslendingar höfðu verið duglegir að kjósa hana framan af mánuðinum, en síðustu dagana blés sú í öðru sæti í herlúðrana og skreið upp fyrir Ásdísi. Björninn er því ekki unninn, og geta þeir sem vilja sjá Ásdísi ná sæti í raunveruleikaþættinum kosið hana á heimasíðu keppninnar.