Stöð 2 sigraði í spurningakeppni fjölmiðlanna

Fréttastofa Stöðvar 2 sigraði í hinni árlegu spurningakeppni fjölmiðlanna, sem lauk á Rás 2 í dag, en keppnin hefur staðið yfir páskadagana. Til úrslita kepptu Stöð 2 og N4 á Akureyri og sigraði Stöð 2 með 7 stigum gegn 4. Í undanúrslitum hafði Stöð 2 lagt Læknablaðið og N4 lagt Fréttastofu Sjónvarpsins. Í liði Stöðvar 2 voru þau Lára Ómarsdóttir og Oddur Ástráðsson og afhenti umsjónarmaður keppninnar, Ævar Örn Jósepsson, hvoru þeirra að launum hótelgistingu að Búðum fyrir tvo ásamt fimm rétta málsverði.