Gettu betur vinsælasta sjónvarpsefnið

Gettu betur var vinsælasta sjónvarpsefnið á Íslandi vikuna 10-16 mars með 67% áhorf. Í þættinum lagði lið Menntaskólans í Reykjavík lið Menntaskólans á Akureyri í æsispennandi keppni. Í öðru sæti á listanum var Friðarstillir með 49,4% áhorf og í þriðja sæti Spaugstofan með 48% áhorf.

Kompás var vinsælasti sjónvarpsþátturinn á Stöð 2 með 25,1% áhorf, en í þættinum var birt ákall til almennings vegna banaslyss sem varð í Reykjanesbæ fyrir síðustu jól.

42,1% landsmanna horfðu á fréttir Ríkissjónvarpsins en 23,1% horfðu á fréttir Stöðvar 2.