Vændiskvendið byrjaði snemma

Snemma beygist krókurinn. Framleiðendur raunveruleikamyndbandanna „Girls Gone Wild" hafa nú dregið upp úr farteskinu æsilegt myndband af vændiskonunni fokdýru, Ashley Alexöndru Dupre, þar sem hún skekur sig fáklædd á átján ára afmælinu.

Girls Gone Wild myndirnar eru byggðar upp á myndbrotum af misdrukknum - og mis mikið klæddum - unglingsstúlkum í partýum, sem fletta sig klæðum. Yfirleitt í skiptum fyrir merktan hlýrabol eða stuttbuxur.

Framleiðendurnir virðast dottnir í lukkupottinn með Ashley, sem eyddi heilli viku kringum afmælið í rútu tökuliðsins. Þeir undirbúa nú útgáfu á sérstöku myndbandi með stúlkunni.