Loðnuvertíðinni hugsanlega lokið

Loðnuvertíðinni í ár er hugsanlega lokið. Tíu skip hafa í allan dag leitað í örvæntingu að loðnu undan Eyjafjöllum og fundið sáralítið. Torfa sem fannst síðdegis í gær við Vestmannaeyjar gaf smá von og fengu tvö skip, Álfsey og Huginn, ágætis afla eða um 400 tonna köst og þrjú önnur skip fengu reiting þar í gærkvöldi. Þetta varð til þess að loðnuflotinn færði sig af Faxaflóa yfir að suðurströndinni.

Sturla Einarsson, skipstjóri á Guðmundi VE, sagði nú undir kvöld að loðnan virðist nú öll löggst á botninn til hrygningar og væri að drepast. Telur hann líklegt að þetta verði síðasti veiðidagur hans að sinni og hann snúi sér nú að kolmunnaveiðum.