Fjórir látnir og 200 slasaðir eftir sprengingar í Albaníu

Að minnsta kosti fjórir eru látnir og 200 slasaðir í Albaníu eftir kraftmiklar sprengingar sem sprungu í birgðargeymslu hersins nálægt höfuðborginni Tirana í dag. Skotfæri sem geymd eru á stöðinni sprungu í um tvo klukkutíma.

Rúður brotuðu í Móðir Theresu flugvellinum sem er nálægt stöðinni og allt flug hefur verið fellt niður til og frá flugvellinum vegna þessa.

Börn eru meðal þeirra sem slösuðust samkvæmt heimildum heilbrigðisyfirvalda.

Sali Berisha forsætisráðherra lýsti aðstæðunum sem alvarlegum og sagði að sprengingarnar hefðu líklega orðið þegar skotfæri voru tekin í sundur. Þyrlur hefðu verið sendar á vettvang um 12 kílómetra frá Tirana til að koma íbúum á brott.

Sprengingarnar heyrðust í meira en 50 kílómetra fjarlægð. Ekki er vitað um dauðsföll af völdum sprenginganna.