Alvarlegum umferðarslysum fjölgaði verulega í fyrra

Þrettán færri banaslys urðu í umferðinni í fyrra en árið áður og varð aðeins eitt þeirra í þéttbýli. Alvarleglum umferðarslysum þar sem allir halda lífi, fjölgar hinsvegar verulega.

Þeim hefur fjölgað um 38 milli ára og urðu 166 í fyrra á móti 128 árið áður. Athygli vekur að að 14 af 15 banaslysum í fyrra urðu í dreifbýli eða úti á vegum en aðeins eitt í þéttbýli. Þetta bil eykst hratt á milli ára dreifbýlinu í óhag.

Þá vekur áthygli að sex af þeim sem létust í umferðinni í fyrra notuðu ekki öryggisbelti þótt engu verði slegið föstu um afdrif þeirra ef þeir hefðu notað öryggisbelti.

Þá má líkja fjölgun erlendra ríkisborgara, sem slasast í umferðinni hérlendis, við holskeflu því 55 prósent fleiri útlendingar lentu í umferðarslysum hér í fyrra en árið áður. Hluta af því má rekja til þess að fleiri útlendingar eru hér í umferðinni allt árið en nokkur sinni fyrr, margir útlendingar slösuðust í rútuslysi í Fljótsdalshéraði í fyrra og fleiri erlendir ferðamenn kjósa að aka sjálfir á bilaleigubílum fremur en að fara í hópferðir.